भारतीय गायिका मंगेशकरको निधनप्रति राष्ट्रपति भण्डारीद्वारा दु:ख व्यक्त
माघ २३, २०७८ आइतबार १४:५२:०
काठमाडौं : राष्ट्रपति विद्यादेवी भण्डारीले भारतीय गायिका लता मंगेशकरको निधनप्रति दु:ख व्यक्त गरेकी छन् । मंगेशकरको आज विहान ९२ वर्षको उमेरमा उपचारका क्रममा मुम्बईमा निधन भएको थियो ।
थुप्रै नेपाली गीतमासमेत स्वर दिएकी भारतीय प्रख्यात गायिका मंगेशकरको निधनप्रति राष्ट्रपति भण्डारीले ट्वीटरमार्फत शोक व्यक्त गरेकी हुन् ।
'धेरै नेपाली गीतलाई समेत आफ्नो सुमधुर आवाजले सजाउनु भएकी भारतकी प्रख्यात गायिका लता मङ्गेशकरको निधनको खबरले मलाई दु:खी बनाएको छ । असाधारण प्रतिभाकी धनी दिवंगत लता मङ्गेशकरप्रति भावपूर्ण श्रद्धाञ्जली अर्पण गर्दछु,' उनले भनेकी छन् ।
प्रतिक्रिया दिनुहोस !
