'बच्चन पाण्डे' को ट्रेलर रिलिज, पहिलो पटक अक्षय कुमारको खतरनाक लुक
नयाँ दिल्ली अक्षय कुमार र कृति सेनन स्टारर फिल्म ‘बच्चन पाण्डे’ को ट्रेलर सार्वजनिक भएको छ । यस ट्रेलरमा अक्षय कुमार ग्याङ्गस्टरको भूमिकामा देखिएका छन् । लामो समयदेखि चर्चामा रहेको अक्षय कुमारको लुक पनि गजबको छ । यस फिल्ममा अक्षय कुमार डरलाग्दो भूमिकामा देखिनेछन् ।
फिल्ममा अक्षय कुमारसँग कृति सेनन र ज्याकलिन फर्नान्डिज देखिदैछन् । दुबैले यसअघि अक्षय कुमारसँग हाउसफुल सिरिजमा काम गरिसकेका छन् । उनीसँगै अर्शद वारसी छन् । कृतिले ग्याङ्स्टर बच्चन पाण्डेमाथि नयाँ फिल्म बनाउन चाहन्छिन् । तर यसले धेरै खतरा पनि बोकेको छ । ट्रेलरमा प्रतिक बब्बर, सञ्जय मिश्रा, पंकज त्रिपाठी जस्ता स्टारहरु पनि देख्न सकिन्छ । अर्कोतर्फ, ज्याकलिन फर्नान्डिजले पनि यो फिल्ममा ग्ल्यामर थप्ने छिन् ।
ज्याकलिनले बच्चन पाण्डेकी प्रेमिका सोफीको भूमिका निभाएकी छिन् । कमेडीसँगै यो फिल्म रक्तपातले भरिपूर्ण हुने ट्रेलरबाट प्रष्ट हुन्छ । यो फिल्मको नाम अक्षय कुमारको चरित्रबाट प्रेरित भएको हो । अक्षयले सन् २००८ मा आएको फिल्म टशनमा बच्चन पाण्डेको भूमिका निभाएका थिए ।
सोही पात्रबाट प्रेरित भएर फिल्मको नाम राखिएको बताइएको छ । ‘बच्चन पाण्डे’ साउथको फिल्म ‘वीरम’ को रिमेक बन्ने खबर पनि छ। तरपछि निर्माताले पटकथा परिवर्तन गरेर मौलिक कथा बनाउने निर्णय गरे । त्यसपछि ‘बच्चन पाण्डे’ तमिल फिल्म ‘जिगरथण्डा’ को रिमेक हो भनिएको थियो
अक्षय कुमारको फिल्म ‘बच्चन पाण्डे’लाई फरहाद सामजीले निर्देशन गरेका हुन् । यसअघि अक्षय र फरहादले ‘इन्टरटेनमेन्ट’, ‘हाउसफुल ३’ र ‘हाउसफुल ४’ मा सँगै काम गरेका थिए।