रुसी हमलाले किभको हावामा सास फेर्न गाह्रो : घरका झ्याल बन्द राख्न प्रशासनको अनुरोध
फागुन १५, २०७८ आइतबार ११:५०:०
किभ: युक्रेनमा रूसको आक्रमणपछि राजधानी किभको बाहिरी भागमा रहेको भासिलकिभमा रहेको तेल भण्डारमा क्षति पुगेको छ।
किभ प्रशासनले डिपोमा आगो लागेको र यहाँबाट विषाक्त धुवाँ निस्किरहेको भन्दै सर्वसाधरणलाई आफ्नो घरका झ्याल बन्द गर्न आग्रह गरेको छ। तेल डिपोमा भएको आगलागीका यस्ता धेरै भिडियोहरु सामाजिक सञ्जालमा पोष्ट भएका छन् ।
भिडियोमा हावामा धुवाँको ठुलो मुस्लो उडिरहेको देखिन्छ ।
यसअघि संयुक्त राष्ट्रसंघको मानवअधिकार उच्च अधिकारी (ओसीएचआर) ले उक्त हमलामा अहिलेसम्म युक्रेनका २ सय ४० जना हताहत भएको बताएका थिए। जसमध्ये कम्तीमा ६४ जनाको ज्यान गएको छ । बीबीसी
प्रतिक्रिया दिनुहोस !
