सन्धिखर्क : अर्घाखाँचीको मालारानीमा भएको ट्याक्टर दुर्घट्नामा एक जनाको मृत्यु भएको छ।
मालारानी गाउँपालिका–४ नुगाली टोलामा लु ४ प २७९१ नम्बरको ट्याक्टर दुर्घटना हुँदा स्थानीय २७ वर्षिय कमल विकको मृत्यु भएको जिल्ला प्रहरी कार्यालयका सूचना अधिकारी गणेश खनालले जानकारी दिए।
ट्याक्टर दुर्घटनामा घाइते भएका उनको उपचारको क्रममा बुटवलस्थित लुम्बिनी प्रादेशिक अस्पतालमा मृत्यु भएको जिल्ला प्रहरी कार्यालय अर्घाखाँचीले जनाएको छ। ट्याक्टरमा चालकसहित ३ जना सवार रहेकोमा एक जना घाइतेको जिल्ला अस्पतालमा उपचार भइरहेको छ।
सामान्य घाइते भएका चालक प्रहरी नियन्त्रणमा रहेका छन्। दुर्घटनाका विषयमा थप अनुसन्धान भइरहेको प्रहरीको भनाइ छ।
प्रतिक्रिया दिनुहोस !
