पञ्जाब : आम आदमी पार्टीका नेता भगवन्त मानले आज पञ्जाबको मुख्यमन्त्रीको सपथ लिने भएका छन् । भगवन्त मानको सपथ ग्रहण समारोह पञ्जाबको नवानसहरस्थित भगत सिंहको जन्मभूमि खटकर कलानमा हुनेछ।
कार्यक्रममा कोही भिआइपीलाई निमन्त्रणा नगरिएको खबर बीबीसीमा छ । उक्त कार्यक्रममा उपस्थित हुन सर्वसाधारणलाई अपिल गरिएको छ । तर, यो सपथ ग्रहण समारोहमा दिल्लीका मुख्यमन्त्री अरविन्द केजरीवाल सहभागी हुनेछन् ।
सोही क्रममा पञ्जाबका गभर्नर बनवारीलाल पुरोहित पनि सपथ लिन खटकर कलान पुगेका छन् ।
भगवन्त मानले आफ्नो सपथ ग्रहण समारोहमा पुरुषलाई पहेँलो पगडी र महिलाले पहेँलो सल लगाउन आग्रह गरेका छन् । भगत सिंहको पहेँलो पगडीलाई ध्यानमा राखेर यो अपील गरिएको हो । भगवन्त मान आफैं पनि पहेँलो पगडी लगाउँछन् ।
पञ्जाब विधानसभा चुनावमा आम आदमी पार्टीले पूर्ण बहुमत ल्याएको छ । पार्टीले पञ्जाबमा ११७ सिटमध्ये ९२ सिट जितेको थियो । योसँगै कांग्रेसले १८, भाजपाले २ र अकाली दलले ३ सिट पाएका छन् ।
प्रतिक्रिया दिनुहोस !
