सन्धिखर्क : अर्घाखाँचीको सन्धिखर्क नगरपालिका-६ नरपानी जगतको विद्या विनय आधारभूत विद्यालयमा निर्माण हुन थालेको नव निर्मित भवनको शिलान्यास गरिएको छ।
भवनको शिलान्यास गर्दै नगर प्रमुख भुसालले शिक्षाको क्षेत्रमा भौतिक पुर्बाधारहरु निर्माणमा नगरपालिका लागि परेको बताउदै गुणस्तरीय शिक्षा दिन शिक्षक, अभिभावक र विद्यार्थी सबै लाग्नु पर्ने बताए। नरपानीलाइ अर्घाखाँचीकै प्रमुख पर्यटकीय स्थल बनाउने गरी नगरपालिकाले काम गरिरहेको जानकारी दिए।
६ वटा कोठा र शौचालयसहित निर्माण हुन लागेको भवन २ करोड ५४ लाख ७८ हजार ९ सय ५१ रुपैयाँमा निर्माण हुन थालेको नगरपालिकाका प्रमुख प्रशासकीय अधिकृत नारायण अर्यालले बताए। भवन निर्माणको जिम्मा लुम्विनी प्रतिभा खनाल जेभीले पाएको छ ।
शिलान्यास कार्यक्रममा सन्धिखर्क नगरपालिका वडा नम्वर ६ का वडा अध्यक्ष कृष्ण बहादुर आचार्य, वडा सदस्य मिना सुनारलगायतको उपस्थिति रहेको थियो।
प्रतिक्रिया दिनुहोस !
