रौतहट : गौर–चन्द्रपुर राजमार्गको बृन्दावन नगरपालिकामा गएराति पीकअप जीपको ठक्कर बाट दुई जनाको मृत्यु भएको छ । उक्त दुर्घटनामा दुई जना घाईते भएका छन । चन्द्रनिगाहपुरबाट गरुडा तर्फ जादै गरेको बा १७ च ६१६३ नम्बरको महेन्द्रा पिकअपले चन्द्रपुर गौर सडक खण्डको हर्साहमा ठक्कर दिदा ३७ बर्षिय जीतेन्द्र पटेल र २७ बर्षिय हरी कुमार ठाकुरको मृत्यु भएको छ ।
ठक्कर बाट प्रहरी चौकी हर्साहमा कार्यरत प्रहरी सहायक निरिक्षक उपेन्द्र प्रसाद यादब र प्रहरी जवान मुर्तुजा अन्सारी घाईते भएका छन । चालकले मदिरा सेवन गरि जीप चलाएको प्रहरीको अनुसन्धानले देखाएको छ । जीप अनियन्त्रित भई सोही स्थानको पान पसल र मोटरसाईकलमा समेत ठक्कर दिएको प्रहरीले जनाएको छ । ईलाका प्रहरी कार्यालय गरुडाका डिएसपी श्रीराम भण्डारीले ठक्कर दिने पीकअप जीप नियन्त्रणमा लिएको बताएका छन ।
प्रतिक्रिया दिनुहोस !
