फिल्ड निरीक्षणसँगै कार्यालयमा सुक्ष्म निगरानी बढाउँदै अख्तियार
गुलरिय : अख्तियार दुरुपयोग अनुसन्धान आयोग बुटवल सम्पर्क कार्यालय नेपालगञ्जले फिल्ड निरीक्षणसँगै सरकारी कार्यालयहरुमा निगरानी बढाएको छ । बर्दियाको राजापुर नगरपालिका अन्र्तगत मालपोत, नापी, भन्सार लगायतका कार्यालयहरुमा सुक्ष्म निगरानी गरेको छ ।
अख्तियारको स्ट्रिङ अपरेशनसहितको टोलीले स्थानीय तहलगायत सरकारी कार्यालयका कामकारवाहीका सुक्ष्म निगरानी बढाएको अख्तियार दुरुपयोग अनुसन्धान आयोग नेपालगञ्जका प्रमुख विजयराज पौडेलले बताए । उनले भने, 'राजापुरअन्र्तगत गत वर्ष अख्तियारमा उजुरी परेका ३ वटा मुद्दाको फिल्ड अनुसन्धानका लागि हामी लागेका छौं, केही समयपछि ३ वटै उजुरी फर्छौट गर्ने तयारीमा छौं । '
उनका अनुसार बर्दियाका फागुन मसान्तसम्म रहेका कुल १११ वटा उजुरीमध्ये ५७ वटा उजुरी छानविन भइसकेको छ । ५४ वटा उजुरी छानविनका क्रममा छन् । 'त्यसलाई पनि छिटै फर्छौट गर्ने तयारीमा छौं । हामीले राजापुरका केही कार्यालयहरुका सेवाग्राहीहरुसँग कार्यालयले प्रवाह गर्ने सेवाका बारेमा बुझ्दा राम्रै पायौं । बर्दियामा निरन्तर निगरानी बढाएका छौं । राजापुरका अख्तियारमा परेका उजुरीहरुको फिल्ड निरीक्षण पनि गरेका हौं,'उनले भने,' बर्दियाका अन्य कार्यालयहरुमा समेत पुग्ने कार्यक्रम छ ।'