अन्नपूर्णका सम्पादक भण्डारी पुरस्कृत

अन्नपूर्णका सम्पादक भण्डारी पुरस्कृत

हेटौंडा : अन्नपूर्ण पोस्ट् दैनिकका सम्पादक अखण्ड भण्डारी 'अग्रज पत्रकार पुरस्कार'बाट पुरस्कृत भएका छन्। 'तु खबर डटकम'को पाँचौ वार्षिकोत्सवको अवसरमा शनिबार हेटौंडामा आयोजित कार्यक्रममा उनी ‘जागरण तु खबर अग्रज पत्रकार पुरस्कार-२०७८’ बाट पुरस्कृत भएका हुन्। 

भण्डारीलाई बागमती प्रदेश प्रमुख यादव चन्द्र शर्माले नगद १५ हजार एक रुपैँया र प्रमाणपत्र प्रदान गरे। विगत २७ वर्षदेखि पत्रकारिता क्षेत्रमा रहेर आम नागरिकको सूचित हुने अधिकारको निम्ति पुर्‍याएको योगदानको कदर गर्दै मकवानपुर जागरण अभियानसँगको सहकार्यमा तु खबरले पुरस्कार प्रदान गरेको हो।

कार्यक्रममा सम्पादक भण्डारीसहित अन्य चार जना पत्रकार र एक जना छापाखानामा कार्यरत कर्मचारी पुरस्कृत भए। राजधानी डेली डटकमका सम्पादक ध्रुव लम्साल, नेपाल समाचार पत्रका मकवानपुर संबाददाता रोशन पराजुली, रेडियो मकवानपुरका समाचार प्रमुख राजन दाहाल (खुसराज), धादिङ्पोष्ट डटकमका सम्पादक नारायण शिलवाल र विभिन्न छापाखानामा पत्रपत्रिका छपाईको काम गर्दै आएका हेटौंडाका सोमबहादुर विष्टलाई नगदसहित पुरस्कृत भएका हुन्। 

कार्यक्रममा बोल्दै बागमती प्रदेश प्रमुख शर्माले थप सशक्त र जनताप्रति जवाफदेहीपूर्ण ढंगबाट सञ्चार क्षेत्र अघि बढ्नुपर्ने बताए। ‘जिम्मेवार तथा सशक्त पत्रकारिता नै समाज परिवर्तनको सम्बाहक हो,’ उनले भने, ‘सत्यको सम्प्रेषण गर्न सकेको अवस्थामा मात्रै पत्रकारिता क्षेत्रले सफलता प्राप्त गरेको मानिनेछ।’ 

पुरस्कार वितरणसँगै कार्यक्रममा तु खबरले वार्षिक उत्सवको अवसरमा प्रकाशन गरेको तु खबर स्मारिकाको पाँचौ संस्करण विमोचन गरिएको थियो। कार्यक्रममा बागमती प्रदेशका भौतिक पूर्वाधार विकास राज्यमन्त्री सन्त प्रजा, नेकपा एकीकृत समाजवादी बागमती प्रदेश संसदीय दलकी मुख्य सचेतक मुनु सिग्देल, बागमती प्रदेशसभा सदस्य प्रेमबहादुर पुलामी, मकवानपुरका प्रमुख जिल्ला अधिकारी भरतमणि पाण्डे, नेपाली कांग्रेस मकवानपुरका सभापति बुद्ध लामा, नेकपा एमाले मकवानपुरका अध्यक्ष एकलाल श्रेष्ठ, नेकपा माओवादी केन्द्र मकवानपुरका सचिव भीम पाख्रिनलगायत उपस्थित थिए।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.