जनकपुरधाम : धनुषामा एक युवकको शव फेला परेको छ। धनुषाको हंसपुर नगरपालिकामा गोली तथा चक्कु प्रहार गरी हत्या गरेको अवस्थामा एक युवकको शव फेला परेको जिल्ला प्रहरी कार्यालय धनुषाले जनाएको छ।
धनुषाको हंसपुर नगरपालिका-७ लोहाफोरस्थित गहुँ खेतमा सोही स्थानका करिब १८ वर्षीय विजय महराको शव फेला परेको धनुषाका प्रहरी उपरीक्षक बसन्त रजौरेले जानकारी दिए। स्थानीयहरुले शव देखेपछि विहान करिब ११ बजे प्रहरीलाई खबर गरेपछि प्रहरी पुगेका थिए।
प्रहरी उपरीक्षक रजौरेले शवको प्रकृति हेर्दा हत्या गरिएको जस्तो देखिएको बताए। उनका अनुसार महराको बायाँ आँखाको माथि निधारमा गोली प्रहार भएको जस्तो देखिएको छ भने पछाडी ढाडमा दुई पटक चक्कुले प्रहार गरेको जस्तो घाउँ देखिएको छ।
शवको मुचुल्का बनाई पोष्टमार्टमका लागि प्रादेशिक अस्पताल जनकपुरधाम पठाइएको र यस घटना सम्बन्धमा थप अनुसन्धान भइरहेको उनले बताए।
प्रतिक्रिया दिनुहोस !
