नुवाकोट : नेकपा एमालेका अध्यक्ष तथा पूर्व प्रधानमन्त्रि केपी शर्मा ओलीको नुवाकोट आउने कार्यक्रम तय भएको छ। आसन्न स्थानीय तहको निर्वाचनको सन्दर्भमा आयोजित जिल्लास्तरीय चुनावी सभालाई सम्वोधन गर्न अध्यक्ष ओली आगामी वैशाख २ गते शुक्रबार नुवाकोटको विदुर आउने कार्यक्रमतय भएको एमाले नुवाकोटले जनाएको छ।
अध्यक्ष ओलीले एमाले जिल्ला कमिटीद्वारा आयोजित चुनावी भेलालाई सम्बोधन गर्न नुवाकोटको विदुर नगरपालिका–४ वट्टार आउने कार्यक्रम निश्चित भएको आयोजक तथा नेकपा एमाले नुवाकोटका जिल्ला अध्यक्ष बद्री मैनालीले जानकारी दिए।
वट्टारमा एमाले जिल्ला कमिटीले आयोजना गर्ने चुनावी सभालाई सम्बोधन गर्न अध्यक्ष ओली वैशाख २ गते दिउँसो १२ बजेर ३० मिनेटमा नुवाकोट आउने कार्यक्रम तय भएको अध्यक्ष मैनालीले जानकारी दिए। अध्यक्ष ओलीले चुनावी अभियान तीब्र पार्न जिल्लाका नेता कार्यकर्ताहरूलाई निर्देशनसमेत दिने कार्यक्रम रहेको छ।
प्रतिक्रिया दिनुहोस !
