बाजुरा : वैशाख ३० गते हुने स्थानीय तहको निर्वाचनमा जिल्ला सुरक्षा समितिले बाजुरा ७० ओटा मतदान केन्द्रहरू मध्ये ३८ ओटा अतिसंवेदनशील, २५ ओटा संवेदनशील र ७ ओटा सामान्य रहेको जनाएको छ। मतदान केन्द्रलाई तीन तहमा विभाजित गरी सुरक्षा समिति विश्लेषण गरेको जिल्ला सुरक्षा समिति संयोजक एवम् प्रमुख जिल्ला अधिकारी उपेन्द्रराज पौड्यालले जानकारी दिए।
बाजुरा जिल्लाका ९ ओटा स्थानीय तह रहेका छन्। जसमा बाजुरा जिल्लाको बडिमालिका नगरपालकाका २ ओटा संवेदनशील र ७ ओटा सामान्यमा रहेका छन्। त्रिवेणी नगरपालिकामा ६ ओटा अतिसंवेदनशील र ३ ओटा संवेदनशील रहेका छन्।
त्यसैगरी बुढीगंगा नगरपालिकामा ६ ओटा अतिसंवेदनशील र ४ ओटा संवेदशील मतदान केन्द्र रहेका छन्। बुढीनन्दा नगरपालिकामा ६ ओटा अतिसंवेदनशील र ६ ओटा संवेदनशील रहेका छन्।
खप्तड छेडेदह गाउँपालिकामा ४ अतिसंवेदनशील र ३ ओटा संवेदनशील रहेका छन्। गौमुल गाउँपालिकामा ५ ओटा अतिसंवेदनशील र १ ओटा संवेदनशील रहेका छन्। त्यस्तै जगन्नाथ गाउँपालिकामा ४ ओटा अतिसंवेदनशील र २ ओटा संवेदनशील रहेका छन्। स्वामीकार्तिक खापर गाउँपालिकामा २ ओटा अतिसंवेदनशील र ३ ओटा संवेदनशील रहेका छन्।
हिमाली गाउँपालिकामा ५ ओटा अतिसंवेदनशील र ३ ओटा संवेदनशील रहेको प्रमुख सहायक प्रमुख जिल्ला अधिकारी लोकेन्द्र बिष्टले जानकारी दिए। निर्वाचनमा भाग नलिने राजनीतिक समूहका गतिविधि, भौगोलिक विकटता, सञ्चार असुविधा, भौगोलिक विकटता र यसअघिका निर्वाचनमा देखिएका घटनालाई हेरेर जिल्ला सुरक्षा समितिले अति संवेदनशील, संवेदनशील र सामान्य गरी तीन तहमा मतदान केन्द्र छुट्याएको बिष्टले बताए।
बाजुरामा ७० ओटा मतदान केन्द्र सुरक्षा समितिले बनाएको मादण्डका आधारमा सबै मतदान केन्द्रहरुको अनुगन गरिने र ती मतदान केन्द्रको सुरक्षा अवस्थालाई हेरेर मतदान अघि, मतदानको दिन र मतदान पश्चात हुने सुरक्षा चुनौतिको विश्लेषण गरी कडा सुरक्षा योजना बनाइएको विष्टले जानकारी दिए।
बाजुरा जिल्लामा ७० ओटा मतदान केन्द्र १ सय १२ ओटा मतदान स्थलहरु रहेका छन्। जिल्लामा कुल ४२ हजार १ सय ५१ पुरुष र ४० हजार ५ सय ३७ महिलागरी जम्मा ८२ हजार ६ सय ९० जना मतदाता रहेका छन्। नेपाली कांग्रेस, नेकपा (एमाले), राप्रपा, नेकपालगायत १३ ओटा राजनीतिक दलहरूले जिल्ला निर्वाचन कार्यालयमा दल दर्ता गरेका जिल्ला निर्बाचन कार्यालयका प्रमुख नवराज अवस्थीले जानकारी दिए।
प्रतिक्रिया दिनुहोस !
