ट्याङकरको ठक्करबाट दुई शिक्षक घाइते, उपचारका लागि हेलिकोप्टरबाट काठमाडौं लगियो
वैशाख ४, २०७९ आइतबार १२:५:०
सिन्धुली : सिन्धुलीको कमलामाई नगरपालिका ११ फालचुरीमा ट्याङकरले ठक्कर दिँदा दुई शिक्षक गम्भीर घाइते भएका छन् । सिन्धुलीबाट भिमानतर्फ जाँदै गरेको प्रदेश २–०२–००२ प ४१४७ नम्बरको मोटर साइकललाई सोहि दिसातर्फ जाँदै गरेको प्रदेश २–०२–००१ ख ०४८९ नम्बरको ट्याङकरले ठक्कर दिँदा मोटरसाइकलमा सवार कमलामाई नगरपालिका ६ का शान्ति दाहाल र मदन काफ्ले घाइते भएका हुन् ।
उनीहरुको सिन्धुली अस्पतालमा उपचार हुन नसकेपछि नेपाली सेनाको हेलिकोप्टरमार्फत काठमाडौंस्थित मेडिसिटी अस्पताल पठाइएको प्रहरीले जनाएको छ । दाहाल कालिका मावी धमिले जरायोटार र काफ्ले कुण्डेश्वर मावि वेसारेवेसीका शिक्षक हुन् । मोटरसाइकललाई तीव्रगतीमा रहेको पेट्रोलियम पदार्थ बोक्ने ट्याक्टरले ठक्कर दिएको बताइएको छ ।
घाइतेमध्ये दाहालको अवस्था गम्भीर रहेको सिन्धुली अस्पतालका चिकित्सकले बताएका छन्। उनको हात, खुट्टा भाँचिनुका साथै ढाडमा गम्भीर चोट लागेको छ । करङ भाँचिएर फोक्सोमा समेत असर गरेको बताइएको छ । यस्तै काफ्लेको पनि हात, खुट्टामा चोट लागेको छ । प्रहरीले ट्याङकर र चालक सुशिल माझीलाई नियन्त्रणमा लिएर अनुसन्धान थालेको जिल्ला प्रहरी कार्यालयका प्रहरी प्रवक्ता मनोज लामाले जानकारी दिए ।
प्रतिक्रिया दिनुहोस !
