सिन्धुली : सिन्धुलीको कमलामाई नगरपालिकामा उम्मेदवार टुंगिएको छ। नगरको प्रमुखमा सत्तारुढ गठबन्धनबाट नेपाली कांग्रेसका उज्ज्वल पोखरेल र नेकपा एमालको तर्फबाट महेन्द्रदेब श्रेष्ठको नाम टुंगो लागेको हो।
पोखरेल नेपाली कांग्रेस सिन्धुलीका सभापती हुन् भने श्रेष्ठ नेकपा एमालेका पूर्व जिल्ला सहसचिव तथा कमलामाई नगर कमिटीका अध्यक्ष हुन्। सत्तारुढ दलबीचमा कमलामाई नगरपालिकाको मेयर नेपाली कांग्रेसलाई दिने यस अघिनै सहमति भएपनि कांग्रेसले उमेदवार छनौट गर्न सकेको थिएन्।
यस्तै नेकपा एमालेमा पनि वर्तमान नगर प्रमुख खड्गबहादुर खत्रीले समेत दोहोरिन चाएपछि सर्वसम्मत हुन सकेको थिएन।
यस्तै नेकपा एमालेले भने नगर उपप्रमुखमा वर्तमान उपमेयर मन्जु देबकोटालाई नै अघि सारेको नेकपा एमाले प्रचार विभाग प्रमुख संजय कुमार दाहालले जानकारी दिए।
जिल्लाको कमलामाई नगरपालिकामा सत्तारुढ दल र नेकपा एमालेले उमेदवार टुंगो लगाउन नसक्दा आइतबार दुबै दलका तर्फबाट कुनैपनि पदमा उमेदवारी दर्ता हुन सकेको छैन। एमालेले आइतबारनै जिल्लाभर उमेदवारी दर्ता गर्ने भनेपनि उमेदवारको टुंगो लगाउन नसक्दा रोकिएको हो।
सत्ता गठबन्धन र नेकपा एमालेले सोमबार उमेदवारी दर्ता गर्ने जनाएका छन्। यद्यपी सत्तारुढ दलहरुविच वडा स्तरमा भने अझै सहमति हुन सकेको छैन। उता नेकपा (एकीकृत समाजवादी) र जसपालाई सत्तारुढ दलका नेपाली कांग्रेस र माओवादी केन्द्रले कुनैपनि तहमा चुनावी तालमेल गर्न सहकार्य नगरेपछि उनिहरुपनि एक्लाएक्लै उमेदवारी दिने तयारी गरेका छन्।
प्रतिक्रिया दिनुहोस !
