घोराहीको मेयरमा माओवादी केन्द्रका हेमराज र उपमेयरमा कांग्रेसका भुपबहादुरको मनोनयन दर्ता
वैशाख १२, २०७९ सोमबार १५:३९:०
दाङ : दाङको घोराही उपमहानगरपालिकामा सत्ता गठबन्धन दलले उम्मेदवारी मनोनयन दर्ता गराएका छन् । घोराही उपमहानगरपालिकाको मेयरमा माओवादी केन्द्रका हेमराज शर्मा 'डायमण्ड' ले र उपमेयरमा नेपाली काङ्ग्रेसका भुपबहादुर डाँगीले मनोनयन दर्ता गराएका हुन् ।
मनोनयन दर्ताको अन्तिम दिन सत्ता गठबन्धनको तर्फबाट नेकपा माओवादी केन्द्रका शर्माले मेयरमा र नेपाली कांग्रेसका भुपबहादुर डाँगीले उपप्रमुखमा उम्मेदवारी दिएका छ्न् ।सत्ता गठबन्धनतर्फका उम्मेदवारहरुले घोराहीमा तामझाम, बाजागाजासहित निर्वाचन अधिकृतको कार्यालयामा पुगेर मनोनयन दर्ता गराएका हुन् ।
उम्मेदवारी पछि उम्मेदवारले घोराहीलाई स्वच्छ, सुन्दर र समृद्ध नगरको रुपमा विकास गरिने प्रतिक्रिया दिए । उनले जनताका आवश्यकताको विषय आफ्नो मुख्य एजेन्डा भएको बताएका थिए ।
प्रतिक्रिया दिनुहोस !
