काठमाडौं : टीका दाहालको संगीत रहेको ‘कौवा करायो’ गीतको म्युजिक भिडियो सार्वजनिक भएको छ। पुरानो विषयवस्तुलाई समेटेर तयार पारिएको गीतमा रमेश दाहालको शब्द र सुरक्षा सेन्चुरीको स्वर छ। गीतमा सन्देश परियारले संगीत संयोजन गरेका छन्।
म्युजिक भिडियोमा विगतमा नेपाली समाजको अवस्था कस्तो थियो भन्ने कुरालाई देखाइएको छ। भिडियोमा विकास लामिछाने र सन्ध्या बुढा (काउली बुढी) ले नवविवाहित दम्पती पात्रका रूपमा अभिनय गरेका छन्। ‘घरको छेउमा बसेर कौवा करायो नारान, परदेशीको सम्झनाले बेहाल गरायो’, ‘कहिले आउँछ मनको राजा,’ ‘परदेशीका कथा रेडियोमा सुन्दा’ लगायत गीत म्युजिक भिडियोमा समावेश गरिएको छ।
बुद्ध थापाले छायांकन गरेको यस भिडियोमा दिनसन शाहको सम्पादन छ। केशवराज भट्टको परिकल्पना र निर्देशनमा भिडियो तयार पारिएको हो। भिडियो ‘टीका दाहाल म्युजिक’ नामक युट्युब च्यानलमार्फत् सार्वजनिक भएको हो। यसअघि दाहालको संगीतमा रहेका ‘हुन्न हुन्न हुँदै हुन्न’, ‘मिल्टेरीको जुत्ता’, ‘एकै नजरमा’, ‘तस्बिर’ लगायत थुप्रै चर्चित म्युजिक भिडियो सार्वजनिक भइसकेका छन्।
प्रतिक्रिया दिनुहोस !
