धरान : एमालेले धरानमा आयोजना गरेको चुनावी सभामा धरानका पूर्व मेयर तथा एमाले प्रदेश १ का सचिबालय सदस्य मनोज मेन्याङ्बो अनुपस्थित भए। शनिबार एमालेले धरानमा आयोजना गरेको चुनावी सभामा मेन्याङ्बोले स्वागत मन्तब्य गर्ने कार्यक्रम तालिका थियो।
स्थानीय निर्वाचनको टिकट वितरणमा असन्तुष्टि जनाउदैँ आएका मेन्याङ्बो एमालेको निर्वाचनको आर्थिक संयोजक हुन्। कार्यक्रम संचालक एमाले अध्यक्ष हर्कजङ एभेङ्ले अतिथि आसन गर्न मन्चमा बोलाएको भएपनि मेन्याङ्बो सभामा उपस्थित भएनन्।
मनोज मेन्याङ्बो कार्यक्रममा उपस्थित नभएपछि कार्यकर्तामा हलचल मच्चियो। मेन्याङ्बो कार्यक्रममा उपस्थित नभएपछि स्वागत मन्तव्य मोतिराज सुनुवारले गरेका थिए।
कार्यक्रममा उपस्थित नभएको विषयमा मेन्याङ्बोले मंचमा बस्न मन नभएर घण्टाघरमा बसेर एमाले अध्यक्ष ओलीको भाषण सुनेको प्रतिक्रिया दिए।
प्रतिक्रिया दिनुहोस !
