काठमाडौं : आसन्न स्थानीय तह निर्वाचन नजिकिँदै गर्दा नेकपा एमाले अध्यक्ष केपी शर्मा ओलीको दौडधुप देशभरि भइरहेको छ। ओली आजमात्र कास्कीको चुनावी सभा, कीर्तिपुरको चुनावी सभा र पुल्चोकको चुनावी सभालाई सम्बोधन गरेका थिए।
पुल्चोक चुनावी सभामा भने अच्चमकै दृश्य देखियो। आसन ग्रहणपछि सुस्ताइरहेका ओलीको काखमा कार्यकर्ताले आफ्नो बच्चा राखेका थिए। केही समय ती बच्चा ओलीकै काखमा रमाएका थिए।
पुल्चोकमा सम्बोधन गर्दै ओलीले ललितपुरको विकास गर्न एमाले तयार रहेको बताएका थिए। त्यसका लागि एमालेलाई जिताउन उनको अपील थियो।
उनले गठबन्धनलाई लोकतन्त्र विरोधी र खन्चुवा शक्ती भएको बताउँदै उनीहरुलाई परास्त गर्नुपर्ने बताएका थिए।
तस्बिरहरु : सरोज बैजु
प्रतिक्रिया दिनुहोस !
