देशभर उल्लासमय मतदान हुँदै गर्दा जे देखियो...[फोटो फिचर]

काठमाडौं : स्थानीय तह निर्वाचनमा बिहानदेखिनै उत्साहपूर्ण मतदान भइरहेको छ। केही स्थानमा छिटपुट घटना भएपनि अधिकांश स्थानमा मतदान शान्तिपूर्ण ढंगले भएको छ। मतदानस्थलमा मतदाताहरु बिहान ७ बजेखि मतदान गरिरहेका छन्।

संविधान जारी भएपछि दोस्रोपटक स्थानीय तह निर्वाचन भएको हो। निर्वाचनमा १८ वर्षदेखि बृद्धबृद्धासमेत मतदान गरिरहेका छन्। केही त अक्सिजनसमेत बोकेर मतदानमा सहभागी भएको देखिन्छ भने केही अरुको सहायतामा मतदान प्रकृयामा भाग लिएका छन्।

२०७४ मा भएको निर्वाचनमा जनप्रतिनिधिको पाँच वर्षे कार्यकाल जेठ ५ मा देखि सकिँदै छ। जेष्ठ नागरिक, दृष्टिविहीन नागरिकहरु आफ्ना जनप्रनिनिधि चुन्न तयार छन्। निर्वाचन आयोगका अनुसार अहिलेसम्म ३५ प्रतिशत मतदान सम्पन्न भएको छ। देशभरका मतदानस्थलबाट अन्नपूर्णकर्मीले पठाएका केही तस्बिरहरु...