धनगढी : सुदूरपश्चिमको एक मात्र धनगढी उपमहानगरमा मतदान भईरहेको छ। १९ वटै वडामा रहेका मतदानस्थलहरुमा शान्तिपूर्ण रुपमा मतदान भईरहेको हो।
धनगढीमा सत्ता गठबन्धन, नेकपा एमाले र स्वतन्त्रबीच प्रतिस्पर्धा छ। निवर्तमान मेयर तथा सत्ता गठबन्धनको तर्फबाट नेपाली कांग्रेसका निर्पबहादुर ओड, नेकपा एमालेका रणबहादुर चन्द र स्वतन्त्र उम्मेदवारी दिएका गोपाल हमालबीच कडा प्रतिस्पर्धा हुने अनुमान गरिएको छ।
तीनै जना मेयर पदका उमेदवार मध्ये धनगढी उपमहानगरपालिका-४ मा रहेको राष्ट्रिय तुलसीराम मावि मतदास्थलबाट नेकपा एमालेका रणबहादुर चन्द र स्वतन्त्र उमेदवार गोपाल हमालले मतदान गरेका छन्।
मेयर पदका दुबै उम्मेदवार वडा नम्बर ४ का बासिन्दा हुन्। नृपबहादुर ओडले धनगढी उपमहानगरपालिका-६ मा रहेको बासुदेबी मावि मतदानस्थलमा मतदान गरेका छन्।
बिहीबार ठूलो पानी परेकाले केही मतदानस्थलहरुमा हिलो भएको छ भने तराईका जिल्लामा गर्मीले मतदातालाई समस्या भएको छ। सुदूरपश्चिमका पहाडि जिल्ला डडेल्धुरासहित केही स्थानमा वर्षा भईरहेको छ। वर्षाका बाबजुत पनि मतदाता छाता ओढेर मतदान गरिरहेका छन्।
प्रतिक्रिया दिनुहोस !
