दाङमा ५ मतदान केन्द्रको जिम्मा महिलालाई
दाङ : दाङमा ५ वटा मतदान केन्द्रमा निर्वाचन गराउन महिलाहरुलाई मात्रै जिम्मेवारी दिईएको छ। घोराही-१६ को प्रावि सानी अम्बापुर ‘क’ मा मतदान अधिकृत सहायक प्रमुख जिल्ला अधिकारी सावित्रा पुन, सहायक मतदान अधिकृतमा गुप्ताकुमारी अधिकारी, सहायक कर्मचारी ललिता यादव, रीता लामा र कार्यालय सहयोगीमा सरस्वती घर्तीमगर, सोही विद्यालयको ‘ख’ मा मतदान अधिकृतमा मोतीकुमारी विश्वकर्मा, सहायक मतदान अधिकृतमा विमलाकुमारी पोखरेल, सहायक कर्मचारीमा मन्जु देवकोटा, अनिता सुबेदी र सहयोगीमा विष्णुकुमारी चौधरी रहेका छन्।
सो विद्यालयको ‘ग’मा मतदान अधिकृतमा प्रतिभा बोगटी, सहायक मतदान अधिकृतमा रामकुमारी मरासिनी, सहायक कर्मचारीमा कालिका अधिकारी, देवा केसी र सहयोगीमा भुमा वली रहेका छन्।
तुलसीपुर-५ स्थित अरनीको मैदान ‘घ’ मा मतदान अधिकृतमा माया श्रेष्ठ, सहायक मतदान अधिकृतमा सावित्राकुमारी गौतम, सहायक कर्मचारीमा झरना बुढामगर, कमला रावत र सहयोगीमा रीता रिजाल रहेका छन्। त्यस्तै लमही ५ स्थित खिमबहादुर मावि कोलही मतदान केन्द्रमा सम्झना शर्मा मतदान अधिकृत, प्रभातरश्मी धिताल सहायक मतदान अधिकृत, शुशिला शाह, पुजा केसी सहायक मतदान अधिकृत र विष्णुकुमारी चौधरी सहयोगी रहेका छन्।
यसैबीच ती महिला कर्मचारीहरु मात्रैभएका मतदानस्थलमा पनि महिला प्रहरीहरु मात्रै खटाइएको छ। जिल्लामा २ लाख ९ हजार ९९ जना महिला, २ लाख ७ हजार ९९ जना पुरुष र २ जना तेस्रोलिंगी गरी ४ लाख ९ हजार ९ सय २ जना मतदाता रहेका छन्।