रसुवाको तीन पालिकामा कांग्रेस, एउटामा माओवादीको अग्रता
रसुवा : शुक्रबार भएको स्थानीय तहको निवार्चनको मतगणना जारी छ । जिल्लाको पाँचवटा गाउँपालिकामध्ये चारवटाको मतगणना चलिरहेको छ । शनिबार बिहान ११ बजेसम्मको तथ्यांक अनुसार आमाछोदिङ्मो, नौकुण्ड र उत्तरगयामा नेपाली कांग्रेस तथा कालिकामा नेकपा माओवादी केन्द्रले अग्रता लिएको छ ।
कालिका गाउँपालिकामा ८ सय मत गन्दा अध्यक्षमा ४ सय २७ मत सहित माओवादी अगाडि छ भने १ सय ६२ मत ल्याएर कांग्रेसले पछ्याइरहेको छ । उपाध्यक्षमा नेपाली कांग्रेसको २ सय ९६ र नेकपा एमालेको १ सय ६१ मत छ ।
नौकुण्डमा अध्यक्षमा ३ सय ३० मतका साथ कांग्रेस पहिलो र १ सय २७ मतका साथ एमाले दोस्रो छ । उपाध्यक्षमा जनता समाजवादी पार्टीको २ सय १० र नेकपा एमालेको ७१ मत छ । उत्तरगयाको अध्यक्षमा ४ सय ३३ मतका साथ कांग्रेस पहिलो, ३ सय ९५ मतका साथ एमाले दोस्रो छ । उपाध्यक्षमा कांग्रेसको ४ सय ३८ र एमालेको ४ सय १२ मत आएको छ ।
आमाछोदिङ्मो गाउँपालिकामा ३ सय ४९ मत सहित कांग्रेस पहिलो र २ सय ५८ मतका साथ एमालेका अध्यक्ष दोस्रो छन् । उपाध्यक्षमा २ सय ६४ मतका साथ माओवादी पहिलो र २ सय ३४ मतका साथ एमाले दोस्रो छ ।