बाजुरा : खप्तड छेडेदह गाउँपालिका-१ मा नेपाली कांग्रेसका उम्मेदवार बिर बहादुर रावल विजयी भएका छन्। उनका प्रतिद्धन्दी नेकपा एमालेका दान बहादुर रोकायालाई पराजित गर्दे रावल विजयी भएको जनाएको छ। विजयी रावलले ६ सय ९ र उनका प्रतिदन्दी नेकपा एमालेका उम्मेद्धार दानबहादुर रोकायाले ५ सय ७० मत ल्याएका छन्।
विजयी रावल २०७४ को स्थानीय तह निर्वाचनमा एमालेबाट वडाध्यक्ष विजयी भएका थिए। अघिल्लो महिना मात्रै नेकपा एमाले परित्याग गरी उनलाई कांग्रेसले वडाध्यक्षको उम्मेदवार बनाएको थियो। साबिकको काँडामा गठबन्धन भएको थिएन भने कांग्रेस र एमालेको कडा प्रतिस्पर्धा हुने आकलन गरिएको थियो।
गाउँपालिकाका अध्यक्ष नेकपा एमालेका उम्मेदवार दिलबहादुर रावतको ५ सय ८५ मत आएको छ भने नेपाली कांग्रेसका उम्मेदवार खडक बुढाको ५ सय ९६ मत आएको छ।
त्यसैगरी उपाध्यक्षमा नेकपा एमालेकी उम्मेद्धार ५ सय ७७ मत प्राप्त गरेको छ भने नेपाली कांग्रेसका उम्मेदवार बिसु नाथले ६ सय ३ मत प्राप्त गरेका छन्। सो वडामा १२ सय ९ मत खसेको थियो।
प्रतिक्रिया दिनुहोस !
