गुल्मीदरवार गाउँपालिका : अध्यक्ष उपाध्यक्षसहित ४ वडामा कांग्रेस, ३ वडामा एमाले विजयी

गुल्मी : गुल्मी दरवार गाउँपालिकामा अध्यक्ष उपाध्यक्षसहित ४ वटा वडामा नेपाली कांग्रेसले जीत निकालेको छ। त्यस्तै ३ वटा वडामा एमाले विजयी भएको छ। 

गाउँपालिका अध्यक्षमा कांग्रेसका सरोजकुमार थापाले ६ हजार १ सय ६८ मत प्राप्त गरी विजयी भएका छन् भने नेकपा एमालेका कृष्ण भुषालले ५ हजार ६ सय २ मत प्राप्त पराजित भएका हुन्। 

यस्तै उपाध्यक्षमा पनि कांग्रेसकै तारा ढेंगा विजयी भएकी छिन्। उनले ६ हजार १ सय ८८ मत प्राप्त गरेकी छिन् भने उनकी प्रतिद्वन्द्वी एमालेकी शुशिला पुनले ५ हजार ५ सय ८९ मत प्राप्त गरी पराजित भएकी छन्। यस्तै गुल्मीदरवार -१ बलिथुममा एमालेका सूर्य बहादुर कुवंरलाई पराजित गर्दे कांग्रेसका राजेन्द्र कंडेल विजयी भएका छन्। 

२ जुभुङमा एमालेका विष्णुप्रसाद गौतम, ३ गौडाकोटमा कांग्रेसका रामबहादुर थापा, ४ विरवासमा एमालेका देविराम पोख्रेल, ५ अमरअर्वाथोकमा एमालेका गुडानिधि पौडेल, ६ मा कांग्रेसका मुकेश थापा, ७ दरवारदेविस्थानमा कांग्रेसका शालिकराम टण्डन विजयी भएका छन्। गाउँपालिका अध्यक्षमा विजयी भएका सरोजकुमार थापा पूर्व गाउँपालिका अध्यक्ष स्वर्गीय अशोककुमार थापाका छोरा हुन्।