सोलुखुम्बु : सोलुखुम्बुको लिखुपिके गाउँपालिकामा नेपाली कांग्रेसका उम्मेदवारहरु विजयी भएका छन्।
नेकपा माओवादी केन्द्रका उम्मेदवारलाई पछि पार्दै लिखुपिके गाउँपालिका अध्यक्षमा मिना कार्की र उपाध्यक्षमा ङवाङ ल्हाक्पा शेर्पाले जित हात पारेका हुन्। उनीहरुको औपचारिक जित घोषणा हुन बाँकी छ।
अन्तिम मतपरिणाम घोषणा हुन बाँकी रहेको छ। लिखुपिकेमा २०७४ को निर्वाचनमा नेकपा माओवादी केन्द्रका उम्मेदवार विजयी बनेका थिए।
यसैबीच वडा नं ३ मा स्वतन्त्र उम्मेदवार ध्रुब बहादुर बस्नेतले जित हात पारेका छन्। वडा नं १ मा कांग्रेसका मिंङमार ग्याल्जे शेर्पा, वडा नं २ मा कांग्रेसकै मणीराज बस्नेत, वडा नं ४ मा एमालेका हिक्मत बहादुर बस्नेत र वडा नं ५ मा कांग्रेसका ङिमछिरी लामा वडाध्यक्षमा निर्वाचित बनेका छन्।
प्रतिक्रिया दिनुहोस !
