प्यूठान : ऐरावती गाउँपालिका प्यूठानको अध्यक्षमा पूनः नेपाली कांग्रेसका नविलविक्रम शाह विजयी भएका छन्। सोमबार बिहान सम्पन्न मतपरिणाम अनुसार शाह प्रतिस्पर्धी बुद्धबहादुर बस्नेतलाई २ हजार १९ को फराकिलो मतान्तरले पछि पार्दै विजयी भएका हुन्।
शाहले ४ हजार ६ सय ६९ र बस्नेतले २ हजार ६ सय ५० मत लिएका छन्। नेकपा माओवादी केन्द्रका बस्नेत निवर्तमान गाउँपालिका उपाध्यक्ष समेत हुन्। यहाँ नेपाली कांग्रेस र राजमोको गठबन्धन छ। माओवादी केन्द्र र एमालेका बागी उमेदवारसँगको अर्को गठबन्धन छ।
गाउँपालिका उपाध्यक्षमा राष्ट्रिय जनमोर्चाका कृष्णप्रसाद श्रेष्ठले ४ हजार ६ सय ४७ मत लिएर विजयी भएका छन्। उनका प्रतिस्पर्धी स्वतन्त्रबाट टिकाबहादुर गुरुङले १ हजार ७ सय २१ मत लिएको छ। गाउँपालिकाको नतिजा निकाल्ने ऐरावती पहिलो बनेको छ।
प्रतिक्रिया दिनुहोस !
