रसुवाको नौकुण्डको अध्यक्षमा कांग्रेस र उपाध्यक्षमा एमाले विजयी
जेठ ३, २०७९ मंगलबार ६:५०:०
रसुवा :रसुवाको नौकुण्ड गाउँपालिकाको अध्यक्षमा नेपाली कांग्रेस र उपाध्यक्षमा नेकपा एमाले विजयी भएको छ ।
अध्यक्षमा कांग्रेसका नुर्वुसाङ्बो घलेले ३४७४ मत पाए । उनको निकटतम प्रतिद्वन्द्वी नेकपा एमालेकी सिर्जना लामाले ३०९७ मत प्राप्त गरिन्।
उपाध्यक्षमा एमालेका चन्द्रबहादुर तामाङले २९०४ मत ल्याएर निर्वाचित भए । उपाध्यक्षका निकटतम प्रतिद्वन्द्वी जनता समाजवादी पार्टीका भुमे लामाले १९५१ मत पाए ।
अन्तिम परिणामअनुसार वडा नम्बर १ मा कांग्रेसका कान्छा तामाङ, वडा नम्बर २ मा एमालेका ङाफु याल्बो थोक्रा, वडा नम्बर ३ मा एमालेका नोकेन्द्रदेव मोक्तान, वडा नम्बर ४ मा कांग्रेसका ज्ञानी वाइबा, वडा नम्बर ५ मा कांग्रेसका श्याम बहादुर थिङ र वडा नम्बर ६ मा एमालेका योनुर्पु तामाङ विजयी भएका हुन्।
२०७४ सालमा भएको निर्वाचनमा अध्यक्षमा कांग्रेस र उपाध्यक्षमा एमालेले विजयी हाँसिल गरेको थियो ।
प्रतिक्रिया दिनुहोस !
