काभ्रेको भुम्लु गाउँपालिका अध्यक्षमा माओवादीका भुजेल र उपाध्यक्षमा कांग्रेसका तामाङ विजयी
जेठ ३, २०७९ मंगलबार १०:४२:०
काभ्रे : काभ्रेको भुम्लु गाउँपालिकाको अन्तिम मत परिणाम सार्वजनिक भएको छ ।
सो गाउँपालिकामा गठबन्धनको तर्फबाट माओवादी केन्द्रका अध्यक्ष प्रेम भुजेल (बृहत) ५७९२ मत ल्याएर विजयी भएका छन् ।
त्यस्तै, पालिकाको उपाध्यक्षमा नेपाली कांग्रेसका जितेन्द्रमान तामाङ (दावा लामा) ले ६०९८ मत ल्याएर विजयी भएका छन् ।
काभ्रेमा १३ वटा स्थानीय तहमध्ये भुम्लु गाउँ पालिकाको नजिता सार्वजनिक गर्ने पहिलो पालिका रहेको छ।
नेकपा एमाले प्रत्यासी गाउँपालिका अध्यक्ष उम्मेदवार प्रेम लामाले ४५६८ मत पाएका छन्। एमालेकै उपाध्यक्ष उम्मेदवार कल्पना श्रेष्ठ ४०२९ मत पाएका छन् ।
भुम्लु गाउँपालिकामा १० वडा रहेका छ्न्। १० वडामा एमालेले ५ , काङ्ग्रेस ३, माओवादी १ र समाजवादीले १ वडा जितेका छन् ।
प्रतिक्रिया दिनुहोस !
१
