काभ्रे : काभ्रेको बेथानचोक गाउँपालिका वडा नं ५ मा स्वतन्त्र उम्मेदवार विजयी भएका छन्।
स्वतन्त्र उम्मेदवार पुतली चिन्हबाट उठेका राजकुमार वाइबा विजयी भएको निर्वाचन अधिकृत लक्ष्मी प्रसाद रेग्मीले जानकारी दिए।
कांग्रेसका उम्मेदवार दिलबहादुर लामालाई पछि पार्दै वडाध्यक्षमा वाइबा विजयी भएका हुन्। स्वतन्त्र उम्मेदवार वाइबाले ४ सय ७२ मत प्राप्त गरे। प्रतिद्वन्द्वी कांग्रेसका दिलबहादुर लामाले ४ सय २५ मत ल्याए।
स्वतन्त्र उम्मेदवार वाइबाले ४७ मत अन्तरले जितेका हुन्। विजयी भएका उम्मेदवार नेकपा माओवादी केन्द्रबाट टिकट नपाएपछि स्वतन्त्रबाट उम्मेदवारी दिएर पुतली चिन्न पाएका थिए।
योसँगै जिल्लामा स्वतन्त्र बाट जित्ने वडाध्यक्ष २ पुगेका छन्।
यसअघि नमोबुद्ध नगरपालिका वडा नम्बर १ बाट स्वतन्त्र उम्मेदवार प्रेम लामा निर्वाचित भएका थिए। लामा कांग्रेसबाट टिकट नपाएपछि स्वतन्त्र उम्मेदवारी दिएर जितेका हुन्।
प्रतिक्रिया दिनुहोस !
