बर्दियाको बाँसगढी नगरपालिकाको मेयर र उपमेयरमा एमाले विजयी
जेठ ४, २०७९ बुधबार ११:५१:०
गुलरिया : बर्दियाको बाँसगढी नगरपालिकाको प्रमुख र उपप्रमुखमा नेकपा एमालेका खडक बहादुर खड्का र इन्दिरा चौधरी विजयी भएका छन् ।
प्रमुखमा माओवादी केन्द्रका भवन कुमार थारु र उपप्रमुखमा नेपाली कांग्रेसकी आकाश थारुलाई पराजित गर्दै उनीहरुले जित हाँसिल गरेका हुन् ।
एमालेका विजयी खड्काले १० हजार ९४७ मत प्राप्त गरे । प्रतिस्पर्धी माओवादीका थारुले ९ हजार ७६३ मत प्राप्त गरेका छन् ।
उपप्रमुखमा एमालेकी चौधरीले ११ हजार ३५ मत प्राप्त गरिन् ।
प्रतिस्पर्धी नेपाली कांग्रेसका आकाश थारुले ८ हजार ५१२ मत प्राप्त गरिन् । बाँसगढी नगरपालिकाको ९ वटा वडाहरु मध्ये एमाले ३, कांग्रेस, ३ माओवादीले ३ स्थान जितेको छ ।
निर्वाचन अधिकृतको कार्यालय बाँसगढीका अनुसार एमालेबाट वडा नम्बर २ मा अर्जुन कुमार खड्का, ४ मा कृष्णप्रसाद वास्तोला र वडा नम्वर ८ को अध्यक्षमा तुल प्रसाद गौतम विजयी भएका छन् ।
नेपाली कांग्रेसबाट वडा नम्बर ५ मा दहवा थारु, ७ मा बलिराम चौधरी र ९ मा चन्द्र बहादुर शाही विजयी भएका हुन् ।
माओवादी केन्द्रबाट वडा नम्बर १ मा जयराज पाण्डे, ३ मा रामचन्द्र थारु र वडा नम्बर ६ मा लाल बहादुर क्षेत्री अध्यक्ष पदमा निर्वाचित भएका छन् ।
प्रतिक्रिया दिनुहोस !
