महोत्तरीको रामगोपालपुरमा नेकपा एमालेका साह निर्वाचित
महोत्तरी : महोत्तरीको रामगोपालपुरको नगरप्रमुखमा नेकपा एमालेका रामदुलार साह निर्वाचित भएका छन् ।
साहले निवर्तमान मेयर अशोककुमार मण्डललाई १ हजार ७६३ मतअन्तरले पराजित गरी रामगोपालपुरको नगरप्रमुखमा विजयी भएका हुन् ।
नेकपा एमालेबाट उम्मेदवारी दिएका रामदुलार साहले ५ हजार ३ सय ४९ मत प्राप्त गरेका छन् । त्यस्तै, उनका निकटम प्रतिद्वन्द्वी नेकपा माओवादीकातर्फका उम्मेदवार एवम् निवर्तमान नगरप्रमुख अशोक कुमार मण्डलले ३ हजार ५ सय ८६ मत मात्र प्राप्त गरेका थिए ।
त्यस्तै, उपप्रमुखतर्फ एमालेकी रिना देवी यादव विजयी भएकी हुन् । यादवले ४ हजार २ सय ६३ मत ल्याई विजयी हाँसिल गरेकी छन् । उनको निकटतम प्रतिद्वन्द्वी कांग्रेसकी पुष्पा देवी कुशवाहालाई ८६० मतान्तरले पराजित गरेकी हुन् ।
कुशवाहाले ३ हजार ४०३ मत प्राप्त गरेकी थिइन् । १९ हजार ७५८ कुल मतदाता रहेको रामगोपालपुरमा १३ हजार ५९१ म्तदाताले मतदान गरेका थिए । रामगोपालपुर नगरपालिकामा ९ वटा वडामध्ये ४ वटामा नेकपा माओवादी केन्द्रका उम्मेदवारहरुले वडाअध्यक्ष पदमा विजयी हाँसिल गरेका हुन् ।
निर्वाचन आयोगका स्रोतका अनुसार नेकपा एमालेका ३, नेपाली कांग्रेसका १ र जनता समाजवादी पार्टीको तर्फबाट १ वडामा विजयी प्राप्त गरेका हुन । स्रोतका अनुसार नगरपालिकाको वडा नं. १ मा माओवादी केन्द्रका विजय कुमार मण्डल ,वडा नं. २ मा मुकेश कुमार यादव, वडा नं. ८ मा राम पदारथ मण्डल र वडा नं. ९ मा नागेश्वर प्रसाद मण्डल विजयी भएका छन् ।
त्यस्तै, वडा नं. ३ मा नेकपा एमालेका जय नारायण मण्डल, वडा नं. ४ मा एमालेकै कारी कामाख्या महतो र वडा नं. ७ मा एमालेका शम्भु साह तेली रहेका छन् । यता वडा नं. ६ मा भने लोकतान्त्रिक समाजवादी पार्टीका शिवचन्द्र महतो निर्वाचित भएका छन् भने नेपाली कांग्रेसका मकेश्वर कुमार शर्मा वडा नं. ५ को वडाअध्यक्षमा निर्वाचित भएको निर्वाचन अधिकृतको कार्यालय रामगोपालपुरले जनाएको छ ।
त्यस्तै, नेपाली कांग्रेसका उम्मेदवार मोहन पाण्डेय मनरा सिस्वा नगरपालिकाका प्रमुख पदमा निर्वाचित भएका छन् । पाण्डेयले आफ्ना निकटम प्रतिद्वन्द्वी जनता समाजवादी पार्टीका उम्मेदवार महेन्द्र रायलाई पराजित गर्दै प्रमुख पदमा विजयी भएका हुन् ।
पाण्डेयले ५८८४ मत प्राप्त गरेका छन् भने निजको प्रतिद्वन्दवी महेन्द्र रायले ४९२० मत प्राप्त गरेका छन् ।
त्यस्तै, निवर्तमान प्रमुख संजयकुमार साहले २७७२ मत ल्याएर तेस्रो स्थान हाँसिल गरेका हुन् । सोही पालिकाको उपप्रमुखमा सकुन्तलादेवी निर्वाचित भएकी हुन् ।
((