कुशे गाँउपालिकामा कांग्रेसका हरिचन्द्र बस्नेत पुन : निर्वाचित
जेठ ४, २०७९ बुधबार १२:३७:०
जाजरकोट : जाजरकोटको कुशे गाँउपालिकामा नेपाली कांग्रेसका हरिचन्द्र बस्नेत दोस्रो कार्यकालका लागि निर्वाचित भएका छन् । पुनः निर्वाचित हुँदै उनले आफ्नो विरासत जोगाएका छन् ।
उनले सत्ता गठबन्धनकै एकिकृत समाजवादीका उम्मेदवारलाई दुई सय ४१ मतले पराजित गदै पुनः निर्वाचित भएका हुन् । बस्नेतले तीन हजार चार सय २३ मत प्राप्त गरेर विजयी भएका हुन् । उनका निकटतम प्रतिद्धन्दी नेकपा एकिकृत समाजवादीका तप्त हमाल तीत हजार एक सय ८२ मत प्राप्त गरेका छन् ।
कुशेमा कांग्रेस र एमाले एक्लाएक्लै, माओवादी केन्द्र र एकीकृत समाजवादीको गठबन्धन भएको थियो । उपाध्यक्षमा पनि कांग्रेसकै देविका कुमारी सिंह निर्वाचित भएकी छन् । सिंहले ती हजार पाँच सय ८७ मत प्राप्त गर्दा उनका निकटतम प्रतिस्पर्धि माओवादी केन्द्रका विकास रोकायले दुई हजार नौ सय १८ मत प्राप्त गरेका छन् । कुशेमा दुई जना वडाध्यक्ष स्वतन्त्रले जितेका छन् ।
प्रतिक्रिया दिनुहोस !
