रसुवा : शुक्रबार भएको स्थानीय तहको निर्वाचनमा रसुवामा न्यून मत बदर भएको छ। २०७४ सालमा भएको निर्वाचनको तुलनामा यसपटक निकै कम मत बदर भएको हो।
२०७४ सालमा भएको निर्वाचनमा २२ हजार ६ सय ८९ मत खसेकोमा १ हजार ६ सय २८ मत बदर भएको थियो। यो ७ दशमलब ५ प्रतिशत हो। तर यसपटक ३० हजार ४ मत खसेको ३ सय १० वटा मत मात्र पूर्ण बदर भएको छ। यो १ दशमलब ३ प्रतिशत हो।
नतिजा अनुसार आमाछोदिङ्मो गाउँपालिकामा ३२, उत्तरगयामा ३७, कालिकामा ३९, गोसाइँकुण्डमा १३ र नौकुण्डमा १ सय ८९ मत बदर भएको हो। यसपटक मतदाता शिक्षा कार्यक्रम सञ्चालन नभएतापनि बदर मतको संख्या कम देखिएको जिल्ला निर्वाचन अधिकारी श्रीराम थापाले जानकारी दिए।
जिल्लाको आमाछोदिङमोमा ५ हजार ६० मतदाता मध्ये ४ हजार २ सय १४, उत्तरगयामा ८ हजार ४ सय २ मध्ये ६ हजार ५ सय १६, कालिकामा ८ हजार ६ सय ५६ मध्ये ६ हजार ७ सय ७३, गोसाइँकुण्डमा ५ हजार ८ सय ९० मध्ये ४ हजार ७ सय ७३ र नौकुण्डमा १० हजार ५ सय ३७ मध्ये ७ हजार ७ सय २६ ले मतदान गरेका थिए।
प्रतिक्रिया दिनुहोस !
