ठाकुरबाबा नगरको प्रमुखमा कांग्रेसका तिलक र उपप्रमुखमा एमालेकी विना विजयी

गुलरिया : बर्दियाको ठाकुरबाबा नगरपालिकाको नगरप्रमुखमा नेपाली कांग्रेसका तिलकराम लम्साल र उपप्रमुखमा नेकपा एमालेकी विना भट्टराई विजयी भएका छन्। निकटतम प्रतिद्वन्दी प्रमुखमा माओवादी केन्द्रका नेत्रराज आचार्य र उपप्रमुखमा नेपाली कांग्रेसकी मञ्जुकुमारी चौधरीलाई पराजितगर्दै प्रमुख उपप्रमुख कांग्रेस र एमालेबाट निर्वाचित भएका हुन्।

लम्सालले ९ हजार ४२ मत प्राप्त गरे। माओवादीका आचार्यले ६ हजार ८१८ मत प्राप्त गरेका छन्। उपप्रमुख पदकी विजेता एमालेकी भट्टराईले ८ हजार १७६ मत प्राप्त गरी कांग्रेसकी चौधरीलाई ७ हजार ६७४ मतमै समेटिन्। एमालेका प्रमुख घन नारायण श्रेष्ठ ६ हजार ५८१ र माओवादीकी उपप्रमुख ६ हजार १६९ मतमा समेटिएका छन्।

ठाकुरबाबा नगरपालिकामा ९ वटा वडाहरु छन्। जसमध्ये ५ वटा वडामा कांग्रेस ३ वटा वडा माओवादी केन्द्र र एउटा वडा नेकपा एमालेले जितेको छ। 

नेपाली कांग्रेसबाट वडा नम्वर २ को वडा अध्यक्षमा कमलप्रसाद चपाइँ, ४ मा सूर्य बहादुर विष्ट, ६ मा जयप्रसाद पौड्याल, ७ मा लम बहादुर विष्ट र वडा नम्वर ८ मा टेकबहादुर वडुवाल सिजापति विजयी भएका छन्।

माओवादी केन्द्रबाट वडा नम्वर १ मा निमराज खनाल, ५ मा शम्भु प्रसाद थारु र ९ नम्वर वडाको वडा अध्यक्षमा राधा चौधरी विजयी भएकी छिन्। नेकपा एमालेबाट वडा नम्वर ३ को अध्यक्षमा श्रीकृष्ण थारु विजयी भएको निर्वाचन अधिकृतको कार्यालय ठाकुरबाबाले जनाएको छ।