सन्धिखर्कमा नि:शुल्क मोतिया विन्दु शल्यक्रिया

सन्धिखर्क : अर्घाखाँचीको सन्धिखर्कमा नि:शुल्क मोतिया विन्दुको शल्यक्रिया शिविर सुरु भएको छ।

अर्घाखाँची दिगो विकास केन्द्र र ग्लोबल मेडिकल फाउन्डेसन अष्ट्रेलियाको आयोजना तथा नेपाल नेत्र ज्योती संघ अर्घाखाँची आखा उपचार केन्द्र र रोटरी क्लबको सहजीकरणमा नि:शुल्क मोतिया विन्दुको शल्यक्रिया शिविर सुरु भएको हो।
 

डाक्टर मुक्ति श्रेष्ठ र डाक्टर जयबहादुर टण्डनको विशेष पहलमा सुरु भएको शिविर २ दिनसम्म चल्नेछ। शिविरको उद्‍घाटन समारोहमा जिल्ला समनवय समितिका प्रमुख पिताम्बर शर्मा, प्रमुख जिल्ला अधिकारी शशी घिमिरे, डाक्टर मुक्ति श्रेष्ठ, डाक्टर जयबहादुर टण्डनलगायतले मन्तब्य राखेका थिए।