धरानका मेयर हर्कराजले सम्हाले कार्यभार : भ्रष्टाचार नियन्त्रण र खानेपानीको व्यवस्थापन गर्ने प्रतिबद्धता
जेठ १०, २०७९ मंगलबार ११:५१:०
धरान : धरान उपमहानगरपालिकाका नवनिर्वाचित मेयर हर्कराज राई ( हर्क सम्पाङ) ले मंगलबार कार्यभार सम्हालेका छन्। आफ्ना समर्थकहरुको साथमा उपमहानगरपालिका प्रवेश गरेका राईलाई कर्मचारीले स्वागत गरेका थिए ।
मेयर राइलाई उपमेयर अइन्द्रबिक्रम बेघा लगायतले स्वागत गरेका हुन् । कार्यभार सम्हाल्दै राइले आफ्नो पहिलो प्राथामिकता धरान नगरपालिकामा हुने भ्रष्टाचार नियन्त्रण र धरानको दीर्घकालिन समस्याका रुपमा रहेको खानेपानी समस्या समाधान गर्ने प्रतिबद्धता जनाए। उनले चुनाव अगाडि गरेका सबै बाचा आफूले पूरा गर्ने बताए। राईले धरानको विकास र समृद्धि सबै मिलेर मात्र सम्भव हुने भन्दै आफ्नो कार्यकालमा सहयोग गर्न अनुरोध गरे।
प्रतिक्रिया दिनुहोस !
