काठमाडौं : नयाँबस्तीस्थित गुहेश्वरी खोला किनारमा एक पुरुषको शव फेला परेको छ। प्रहरी वृत बानेश्वरका अनुसार अन्दाजी ३५/४० वर्षको देखिने उक्त पुरुषको हालसम्म पहिचान खुलेको छैन।
उनको साथमा परिचय खुल्ने कुनै पनि कागजात भेटिएको छैन। खोला किनारमा घोप्टो परेर कोही सुतिरहेको देखेपछि स्थानीयले प्रहरीलाई खवर गरेका थिए। बिहान करिव १० बजेतिर ती पुरुषको शव भेटिएको हो।
प्रहरीका अनुसार हेर्दा अलि निम्न वर्गीय परिवारको जस्तो देखिने उक्त पुरुषको भवितव्य घटनाले मृत्यु भएको देखिन्छ। पोष्टमार्टमका लागि उनको शवलाई शिक्षण अस्पताल महाराजगन्जमा पठाइएको छ।
प्रतिक्रिया दिनुहोस !
