मनरासिस्वा नगरपालिकाले आइतबार सार्वजनिक बिदा नदिने
![मनरासिस्वा नगरपालिकाले आइतबार सार्वजनिक बिदा नदिने](https://annapurnapost.prixacdn.net/media/albums/manarasiwa-nagar_20220602101714_1riAKASPOl.jpg)
महोत्तरी : महोत्तरीको मनरासिस्वा नगरपालिकाले आइतबार सार्वजनिक विदा नदिने भएको छ । संघीय सरकारले दिएको दुई दिने बिदाको निर्णयलाई मनरा सिस्वा नगरपालिकाले नमान्ने भएको हो ।
सरकारले शनिबार र आइतबार दुई दिन सार्वजनिक बिदा दिएको समयमा नगरभरिका सामुदायिक संस्थामा अब शनिबार मात्र बिदा दिइने प्रमुख प्रशासकीय अधिकृत रंजितकुमार यादवले जानकारी दिए । जेठ १६ गते बसेको नगरकार्यपालिकाको पहिलो बैठकले सो निर्णय गरिएको यादवले बताए ।
नगरपालिकाले जारी गरेको सूचनाअनुसार प्रत्येक शनिबार सार्वजनिक बिदा हुने, आइतबारदेखि बिहीबारसम्म कार्यालय समय बिहान १० बजेदेखि अपराह्न ५ बजेसम्म रहने उल्लेख गरिएको छ । शुक्रबारको दिन बिहान १० बजेदेखि अपराह्न ३ बजेसम्म कार्यालय सञ्चालन हुने उल्लेख गरिएको छ ।
संघीय सरकारले देशभरिका सार्वजनिक संस्थामा हप्तामा २ दिने सार्वजनिक बिदाको घोषणा गरेका थिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)