काठमाडौं : दरबारमार्गस्थित प्लाटिनम डिस्कोमा बुधबार राति कुटपिट भएको छ ।
डिस्कोमा आएका काभ्रेली समूहले बालुवाटारका प्रतिष भाष्कर सिंहलाई कुटपिट गरेका हुन् ।
कुटपिटबाट सिंहको टाउकोमा गम्भीर चोट लागेको छ ।
प्रहरी वृत्त दरवारमार्गका अनुसार उनको टाउकोमा ७ टाँका लगाइएको छ । छाती, पेट र हातखुट्टामा समेत चोट लागेको छ ।
प्रहरीका अनुसार कुटपिट गर्ने समूह फरार छ । उनीहरुविरुद्ध प्रहरी वृत दरबारमार्गमा जाहेरी परेको छ ।
प्रहरी वृत्त दरवारका अनुसार बिहीबार बिहान ३ बजेतिर पीडित युवकमाथि एक समूहले कुटपिट गरेको भन्ने जाहेरी आएको छ । कुटपिट गर्ने समूह फरार छ।'
उनीहरुको खोजी कार्य जारी रहेको प्रहरीले बताएको छ।
घटनाको प्रारम्भिक अनुसन्धानमा डिस्कोमा सो समूह आइरहने र मदिराको तालमा दुई समू्हबीच कुटपिट भएको प्रहरीले जनाएको छ।
जिल्ला प्रहरी परिसर काठमाडौंका प्रवक्त दिनेसराज मैनालीले फरार समूहको खोजि भइरहेको बताए ।
उनले काठमाडौंमा गुण्डागर्दी गर्ने, धम्काउने समूहलाई प्रहरीले नछोड्ने बताए।
आक्रमणमा काभ्रेको नमोबुद्ध नगरपालिकाका सञ्जय लामा, कुलध्वज लामा उर्फ कुले र डलर भनेर चिनिने डलर लामालगायत संलग्न रहेको बताइएको छ ।
प्रतिक्रिया दिनुहोस !
