काठमाडौं : राष्ट्रिय भावनामा आधारित चन्द्र सूर्य बोलको गीतको भिडियो तयार भएको छ। चन्द्रसूर्य एल्बमको पोस्टर तथा म्युजिक भिडियोको डीभीडी विश्वको सर्वोच्च शिखर सगरमाथामा पासाङ तेन्जिङ शेर्पाले विमोचन गरेका छन्।
१४ पटक सगरमाथा आरोहण गरेका पासाङ १३ वर्षको उमेरदेखि आरोहणमा संलग्न रहँदै आएका छन्। विश्व कीर्तिमान बनाउन उक्त म्युजिक भिडियो सगरमाथामा सार्वजनिक गरिएको गीतकार हरिगोपाल प्रधानले जानकारी दिए।
गीतमा स्वर र संगीत निर्णय श्रेष्ठको छ। उनलाई विष्णु चेम्जोङले पनि साथ दिएकी छन्। सिनेमेट्रोग्राफी सोहन मानन्धर, कोरियोग्राफी जेनिशा महर्जनले गरेका छन्। यस्तै आराध्यलक्ष्मी खड्की, सरुना श्रेष्ठ, अनुपा राई, करुणा राई, आमीर तामाङ, सोनुले अभिनय गरेका छन्।
प्रतिक्रिया दिनुहोस !
