तनहुँ : पृथ्वीराजमार्गअन्तरगत तनहुँको आँबुखैरेनी गाउँपालिका-४, साँखर ड्याममा सडक भाँसिएपछि अवरुद्ध राजमार्ग एकतर्फी सुचारु भएको छ ।
शुक्रबार बिहान करिब पौने ५ बजेदेखि ठप्प भएको राजर्मा दिउँसो १ बजेपछि एकतर्फी रुपमा सुचारु भएको जिल्ला प्रहरी कार्यालय तनहुँले जनाएको छ ।
सडकको कुनातर्फ भित्ता सामान्य रुपमा जेसिबीले काटेर फालेपछि साना सवारी पास भएको छ ।ठूला सवारी साधनलाई भने प्रवेश गराइएको छैन ।
सडक भाँसिदा बा १० च ४६७९ नम्बरको कार, ग १५ प २९५३ नम्बरको मोटरसाइकल, बा ३३ प १०८१ नम्बरको मोटरसाइकल खसेर बेपत्ता भएका छन् ।
घट्नामा दुई पुरुषको शव भेटिएको छ ।
मृतमध्ये एकजनाको पहिचान खुलेको छ । उनी गोरखा सिरानचोक गाउँपालिका वडा नं ५, स्थायी घर भई हाल जिल्ला तनहुँ आबुखैरेनी गाउँपालिका वडा नं. २ बस्ने ३५ वर्षीय केशव घिमिरे रहेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकार दिए ।
उनका अनुसार अर्को शवको हालसम्म सनाखत हुन सकेको छैन । शवलाई अहिले जिल्ला अस्पताल दमौलीमा ल्याइएको छ । बा ३३ प १०८१ नं को मोटरसाइकल बेपत्ता भएपनि चालक र मोटरसाइकलमा सवार व्यक्ति सकुशल रहेको प्रहरीको भनाइ छ ।
प्रतिक्रिया दिनुहोस !
