काठमाडौं : अमेरिकी गायिका, मोडल एवं अभिनेत्री ब्रिटनी स्पीयर्स विवाह बन्धमा बाँधिएकी छन्। उनले प्रेमी साम असघारीसँग विवाह गरेकी हुन्। बिहीबार अमेरिकाको क्यालिफोर्नियामा विशेष समारोहबीच विवाह सम्पन्न भएको बीबीसीले जनाएको छ।
स्पीर्यसले सामजस्तो जीवनसाथी पाएकोमा खुसी व्यक्त गरिन्। 'सामजस्तो जीवनसाथी पाएर म आभारी छु। सामसँग नयाँ जीन्दगीको सुरुवात गर्न म उत्साहित छु,' वैवाहिक समारोहमा उनले भनिन्। वैवाहिक कार्यक्रममा सेलेना गोमेज, म्याडोना, पेरिस हिल्टनलगायतको सहभागिता रहेको थियो।
वैवाहिक समारोहमा उनका पूर्वपति घुस्ने प्रयास गरेको र उनलाई प्रहरीले पक्राउ गरेको अन्तर्राष्ट्रिय सञ्चारमाध्यमले जनाएका छन्। स्पिर्यसले सन् २००४ मा जेसोन एलेग्जेन्डरसँग विवाह गरेकी थिइन्। उनीहरुबीच त्यही वर्ष सम्बन्ध विच्छेद भएको थियो। त्यसलगत्तै स्पीर्यसले केभिन फेडेर्लिनसँग विवाह गरेकी थिइन्। दुईबीच सन् २००७ मा सम्बन्ध विच्छेद भएको थियो।
प्रतिक्रिया दिनुहोस !
