काठमाडौं : पछिल्लो २४ घन्टामा थप ३४ जनामा कोरोना भाइरस संक्रमण देखिएको छ।
देशभर ३६१० नमूनाको परीक्षणमा ३४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
पीसीआरबाट २२३४ र एन्टिजेनबाट १३७६ नमूनाको परीक्षण गरिएको थियो। जसमध्ये पीसीआरबाट २४ र एन्टिजेनबाट १० जनाको रिपोर्ट पोजिटिभ आएको हो।
मन्त्रालयका अनुसार शुक्रबार कोरोनाबाट कसैको पनि मृत्यु भएको छैन।
हाल सक्रिय संक्रमितको संख्या १०४ रहेको छ।
यस्तै पछिल्लो २४ घन्टामा १ लाख ५२ हजार ३३७ जनाले कोरोनाविरुद्धको खोप लगाएको मन्त्रालयले जनाएको छ।
आज १५ जना डिस्चार्ज भएका छन्।
प्रतिक्रिया दिनुहोस !
