मलंगवा : जिल्ला समन्वय समिति सर्लाहीको प्रमुखमा नेपाली कांग्रेसका कौशलकिशोर सिंह निर्विरोध निर्वाचित भएका छन्। ५ गते हुने भनिएको निर्वाचनका लागि शुक्रबार उम्मेदवारी दर्ताको समय तोकिएको थियो।
मुख्य निर्वाचन अधिकृतको कार्यालयमा शुक्रबार बिहान १० देखि दिउँसो १ बजेसम्म उम्मदेवारी दर्ताको समय तोकिएको थियो। उक्त अवधिभित्र काँग्रेसका सिंहबाहेक अन्य कसैले उम्मेदवारी नदिएपछि सिंह निर्विरोध निर्वाचित भएका हुन्।
माओवादी केन्द्रसंग गठबन्ध गरेका कांग्रेसले सभापतिमा सिंहलाई अगाडि सारेका थिए। त्यसैगरी उपसभापतिमा माओवादी केन्द्रले जितेन्द्र कुमार महतोलाई उम्मेदवार बनाएका थिए। ९ जनाको कार्यसमिति रहेको जिससमा काँग्रेसले एक प्रमुखसहित ६ जना सदस्य लिएका थिए। भने माओवादीलाई उपप्रमुखसहित एकजना सदस्य दिएका थिए।
पद संख्या अनुसार नै उम्मेदवारी परेपछि सबै पदाधिकारीहरु निर्विरोध निर्वाचित भएको निर्वाचन कार्यालयले जनाएको छ।
प्रतिक्रिया दिनुहोस !
