काठमाडौं : भिक्टोरिया क्रस प्राप्त गर्ने पहिलो नेपाली कुलवीर थापाको कथामा निर्माण भएको फिल्म गोर्खाः बिनिथ द ब्रेभरी आउने भदौ २४ देखि प्रदर्शनमा आउने भएको छ। सोमबार फिल्मको ट्रेलर सार्वजनिक भएको छ। ट्रेलरमा कुलवीर थापाले जर्मनसँगको युद्धमा देखाएको बहादुरीलाई प्रस्तुत गरिएको थियो।
फिल्म लेखन तथा निर्देशन प्रदीप शाहीले गरेका छन्। उनी लामो समयदेखि बेलायतमा बसेर फिल्म क्षेत्रमा काम गरिरहेका छन्। शाही प्रोडक्सनको ब्यानरमा निर्माण भएको फिल्ममा विनोद सुवेदी कार्यकारी निर्माताको रूपमा छन्। फिल्ममा समिर गुरुङ, स्टुअर्ट वाल्कर, उगिस्टिनो ओवरहोफरलगायतको अभिनय छ।
निर्देशक शाहीका अनुसार ज्यानको बाजी राखेर विश्व शान्तिको लागि लड्ने पुर्खाहरूलाई श्रद्धाञ्जलि दिन फिल्म निर्माण गरिएको हो।
प्रतिक्रिया दिनुहोस !
