भक्तपुर : भक्तपुरको गठ्ठाघरमा बसले मोटरसाइकललाई ठक्कर दिँदा मोटरसाइकलमा सवार एक जनाको मृत्यु भएको छ।
जिल्ला प्रहरी कार्यालय भक्तपुरका प्रवक्ता राजु पाण्डेकाअनुसार मंगलबार दिउँसो २ बजेतिर दुर्घटना भएको हो।
दुर्घटनामा मृत्यु हुने युवकको परिचय खुल्ने कागजात फेला नपरेको बताउँदै पाण्डेले मृतक बर्गर हाउस गठ्ठाघरमा काम गर्ने जानकारी प्राप्त भएको बताए।
अन्दाजी २२ बर्षको जस्तो देखिने मृतकका आफन्त अहिलेसम्म सम्पर्कमा आएका छैनन्। एउटै साइडबाट गैरहेको मोटरसाइकललाई बसले पछाडिबाट ठक्कर दिएको थियो। ठक्करबाट मोटरसाइकलमा सवार युवकको घटनास्थलमै मृत्यु भएको थियो।
मोटरसाइकललाई बा ४ ख २२१२ नम्बरको बसले ठक्कर दिएको थियो। मोटरसाइकल चालकको भक्तपुर अन्तर्राष्ट्रिय अस्पतालमा उपचार भैरहेको छ।
अनुसन्धानका लागि बसका चालकलाई प्रहरीले नियन्त्रणमा लिएको छ। घटनाबारे अनुसन्धान भैरहेको छ।
प्रतिक्रिया दिनुहोस !
