महेन्द्रनगर : कञ्चनपुर उद्योग बाणिज्य संघको अध्यक्षमा पिताम्बर जोशी निर्वाचित भएका छन्। संघको १७औं कार्यकारिणी समितिको निर्वाचनमा अध्यक्षका अर्का प्रत्यासी गणेशदत्त जोशीलाई फराकिलो मतअन्तरले पराजित गर्दै जोशी निर्वाचित भएका छन्।
निर्वाचित जोशीले एक हजार २९९ मत प्राप्त गरे। निकटतम् प्रतिद्वन्द्वी गणेश जोशीले ७८३ मत पाएको निर्वाचन समितिले जनाएको छ।
त्यसैगरी उपाध्यक्षमा धर्मसिंह रावल ७५८ मतसहित निर्वाचित भएका छन्। उनका प्रतिद्वन्द्वी बासुदेव जोशीले ४८८ मत प्राप्त गरेका छन्।
त्यसैगरी महासचिव पदमा निर्मला सापकोटा भट्टलाई पराजित गर्दै खगेश्वर बोहरा निर्वाचित भएका छन्। महासचिव पदमा बोहराले एक हजार २०१ मत पाए भने अर्का प्रत्यासी भट्टले ८ सय मत प्राप्त गरेका छन्। शनिबार भएको मतदानमा २ हजार १८४ मत खसेको थियो।
यसअघि संघको वरिष्ठ उपाध्यक्षमा पिताम्बर जोशी प्यानलका दिनेश मल्ल, उद्योग उपाध्यक्षमा सुरेश गुरुङ, सचिवमा राहुल भट्ट, कोषाध्यक्षमा चेतराज जोशी निर्विरोध निर्वाचित भइसकेका छन्। त्यसैगरी संघको सात सदस्यहरुसमेत निर्विरोध निर्वाचित भएका छन्।
प्रतिक्रिया दिनुहोस !
