काभ्रे : जिल्लाको तेमाल गाउँपालिमा- ३ मा सुनकोशी नदीले बगाएर दुई बालक बेपत्ता भएका छन् ।
जिल्ला प्रहरी कार्यालय काभ्रेका अनुसार तेमाल गाउँपालिका वडा नं ३ स्थित चौथलीका सोम माझीका ११ वर्षीय छोरा समिर माझी र सोही स्थानकै कुल बहादुर माझीका ८ वर्षीय छोरा कान्छो माझी बेपत्ता भएका हुन्।
तेमाल गाउँपालिका -२ स्थित सुनकोशी नदीमा बुधबार पौडी खेल्ने क्रममा नदीले बगाएर बेपत्ता भएको जिल्ला प्रहरी कार्यालय काभ्रेका सूचना अधिकारी डीएसपी हरि खतिवडाले जानकारी दिए ।
उनका अनुसार सुनकोशी नदीमा बालकहरु बेपत्ता भएको खबर सुन्न साथ उद्दारको लागि प्रहरीको टोली घटनास्थल पुगेको छ ।
बेपत्ता बालकहरुको खोजी कार्य जारी रहेको जिल्ला प्रहरी कार्यालयले जनाएको छ ।
प्रतिक्रिया दिनुहोस !
१
