खोलाले एकै परिवारको ३ जना बगायो : एकको मृत्यु, एक बेपत्ता
साउन १७, २०७९ मंगलबार १४:५६:०
कपिलवस्तु : कपिलवस्तुको वाणगंगा नगरपालिका वडा नं. ९ स्थित कोइली खोलाले एकै परिवारका ३ जनालाई बगाएको छ। खोलाले बगाएकामध्ये एक जनाको मृत्यु भएको छ भने एक जना बेपत्ता भएका छन्। एक जनाको उद्धार गरिएको छ।
मंगलबार बिहान साढे १० बजेको समयमा खोला तर्ने क्रममा वाणगंगा नगरपालिका वडा नं. ७ की ३६ वर्षीय दिल कुमार सुनार, ३१ वर्षीया राममाया सुनार र १२ वर्षीय निरज सुनारलाई खोलाले बगाएको जिल्ला प्रहरी कार्यालयका नायब प्रहरी उपरीक्षक जेसी साहले बताए।
प्रहरीले खोजी गर्दा करिब १ किलोमिटर दक्षिणतर्फ खोला किनारमा पत्नी राम मायाको शव फेला परेको थियो। १२ वर्षीय छोरा निरज सुनारलाई स्थानीयले उद्दार गरेको प्रहरीले जनाएको छ। वेपत्ता रहेका पति दिल कुमार सुनारको प्रहरी र स्थानीयले खोजी गरिरहेका प्रहरी नायब उपरीक्षक साहले बताए।
प्रतिक्रिया दिनुहोस !
