लेखक सलमान रुस्दीमाथि चक्कु प्रहार : भेन्टिलेटरमा उपचाररत, अवस्था चिन्ताजनक

वासिङटन डिसी : बुकर पुरस्कार विजेता तथा द सैटानिक भर्सास्युका लेखक सलमान रुस्दीमाथि अमेरिकाको न्यूयोर्कमा चक्कु प्रहार भएको छ । न्यूयोर्कको चौताउवा इन्स्टिच्युटमा आयोजित एक कार्यक्रममा बोल्न जाँदै गर्दा उनीमाथि आक्रमण भएको हो । हमलामा रुस्दीको अन्तरवार्ता लिने व्यक्ति पनि घाइते भएका थिए ।

सलमान रुस्दीका एजेन्टले उनको स्वास्थ्य अवस्था राम्रो नभएको जानकारी दिएका छन् । चक्कु प्रहारपछि सलमान रुस्दीको अवस्था चिन्ताजनक रहेको उनले बताए। उनी हाल भेन्टिलेटरमा र बोल्न नसक्ने अवस्थामा छन्। 

एन्ड्रयू वाइलीका अनुसार आक्रमणको कारण लेखकको दृष्टि गुम्न पनि सक्ने छ। उनले भने, 'सलमानको आँखा गुम्ने सम्भावना छ। उनको हातमा गहिरो चोट लागेको र कलेजोमा छुराको चोट लागेको पनि आशंका गरिएको छ।'

घटनास्थलमा उपस्थित मानिसहरूले आक्रमणकारीलाई घटनास्थलमै समातेका थिए। प्रहरीले न्यु जर्सीको फेयरभ्युबाट २४ वर्षीय हादी मतार नाम गरेका संदिग्धलाई पक्राउ गरेको छ । सलमान रुस्दीलाई विगत केही वर्षदेखि ज्यान मार्ने धम्की आएको थियो । बीबीसी